પ્રિય મિત્રો,

પ્રકૃતિ જતન ના પંથે કામ કરતા-કરતા પરિવાર સાથે પ્રકૃતિ ને જાણવા અને માણવા નો મોકો મળ્યો જે ખુબ જ યાદગાર રહ્યો.

આ મોકો અમે સાસણગીર માં તારીખ 4,5 નવેમ્બર 2014 માં લીધો અને જેમાંથી પર્યાવરણ નું કામ કરવા અને પ્રકૃતિ ના નિયમોમાં જીવન જીવવાની પ્રેરણા મળી જેનાથી મને અને મારા પરિવાર ને પર્યાવરણ નું કામ કરવામાં ઘણો વેગ મળશે.

મિત્રો, લખવા જેવું ઘણું છે પરંતુ સમય ના અભાવે ટૂંકમાં એટલું જ કહીશ કે પ્રકૃતિ આપણને અને જીવમાત્ર ને જીવાડવા માગે છે અને તેની રચનાઓ અદભુત છે. જો આપણે પ્રકૃતિ ની નજીક જઈશું તો ખરેખર જીવન ની સાચી મજા માણવા મળશે. માટે મારી આપ સૌને નમ્ર વિનંતી છે કે આવો આપણે સૌ ઈશ્વરે બનાવેલી આ ધરતી નું રક્ષણ કરીએ અને જે ધરતી આપણા પૂર્વજોએ આપણને સલામત રીતે ભેટ આપી છે તે ધરતીને પર્યાવરણ નું રક્ષણ કરી આપણા વારસદારોને સલામત રીતે ભેટ આપીએ.

છેલ્લે ઉમાશંકર જોષી એ લખેલ આ પંક્તિ દ્વારા આપ સૌને પર્યાવરણ નું રક્ષણ કરવા વિનંતી...

"વિશાળે જગ વિસ્તારે નથી એક જ માનવી

પશુ છે પંખી છે ફૂલો છે વનો ની છે વનસ્પતિ"

- આપ સૌનો નીલેશ રાજગોર